Граѓаните на романскиот град Девеселу толку многу го сакале и почитувале својот градоначалник Јон Алиман, кој почина од коронавирусот на 17 септември, па гласале за него на локалните избори во неделата и покрај неговата смрт, објавија денес локалните медиуми.

Починатиот Алиман (57) доби 1.057 гласови од вкупно 1.600 на гласањето во неделата. По гласањето, толпата замина на гробот на нивниот омилен градоначалник да ја „прослават неговата победа“.

-Отидовме на гробиштата да му честитаме- рече една локална жена која објави фотографија на Фејсбук од неколку десетици луѓе кои држат запалени свеќи.

Граѓаните на Девеселу на југот на Романија и порано предизвикуваа внимание во медиумите поради „војната“ на еден локален жител и командата на американскиот антиракетен штит, која свечено беше инаугуриран во 2016 година.

Стадо од 250 овци на Димитрија Блежа стана закана за безбедноста на воената локација затоа што овците паселе трева во близина, поради што редовно се активирал алармот за предупредување.

Пред да го однесе стадото на друго место да пасе, Блежа побарал обештетување од 18 000 евра, но во 2018 година судот го одби неговото барање.

Извор: Beta.rs