Почина Татјана Патиц, супермоделот од спотот на Џорџ Мајкл – „Freedom“
Честопати ја нарекувале „најмистериозниот супермодел“, а сето тоа бидејќи одамна се пензионирала и решила да им заврти грб на манекенските денови и се посветила на мирен, семеен живот.
Германската супермоделка Татјана Патиц, која ја красеше насловната страница на магазинот „Вог“ во јануари, 1990-та година почина на 56 годишна возраст, објави „Vogue“. Сѐ уште не е позната причината за смртта.
Препорачано
Манекенката беше најпозната по соработката со „Вог“ како и по главната улога во спотот на песната „Freedom“ на Џорџ Мајкл од 1990, во кој беше заедно со првите супермоделки Синди Крафорд, Линда Еванџелиста и Кристи Тарлингтон.
Се прослави по соработката со славните фотографи, меѓу кои и Херб Риц.
Татјана е родена во Германија, а пораснала во Шведска. Почнала да се занимава со моделство на 17 години, а набрзо се преселила во Њујорк. Нејзината витка, висока фигура и убавото лице го воодушевило модниот свет, а исто како и Линда Евангелиста станала најпозната по тоа што може да изгледа поинаку под секое светло и на секое снимање.
