Почина Роберт Дауни Постариот
Филмскиот режисер, актер, продуцент и писател кој бил доживотен Њујоркчанец, сопруг на авторката и хагиографка Розмери Роџерс и татко на актерот Роберт Дауни Џуниор, Роберт Дауни Постариот, починал во средата во спиење во неговиот дом во Њујорк, изјавила неговата сопруга за „Daily News“.
Препорачано
Дауни, кој минатиот месец наполнил 85 години и се борел со Паркинсоновата болест се етаблирал како актер во филмовите „Boogie Nights“, „Magnolia“ и „To Live And Die in L.A.“.
„Ќе ми недостасува засекогаш“, изјавил Роберт Дауни Џуниор кој бил дома со Дауни Постариот кога починал. Паркинсоновата болест го совладала по повеќе од пет годишна борба.
View this post on Instagram
„Синоќа, тато почина мирно во сон по неколку години истрпување на пустошот на Паркинсоновата болест“, напишал Дауни Џуниор во објава на „Инстаграм“. „Тој беше оригинален филмски режисер и остана неверојатен оптимист во текот на целиот период“.
„Според пресметките на мојата маќеа, тие беа во среќен брак нешто повеќе од 2000 години“, продолжи актерот. „Розмари Роџерс-Дауни, ти си светица и нашите мисли и молитви се со тебе“, продолжил актерот во објавата.
Посмртните останки на Дауни ќе бидат распространети од страна на семејството на плажата Рокавеј во близина на пабот „Гилдеа“ каде што, (како што Дауни постариот сакал да вели), лошо ја потрошил својата младост.
View this post on Instagram
Дауни Постариот постигнал успех рано во кариерата која траела повеќе од пет децении како писател и режисер на независни филмови кои се коментар на одредена ера и придонесуваат за движењето на контракултурата.
Откако привлекол внимание за дела како што се „Balls Bluff“ од 1961 година и „Babo 73“ од 1964 година, профилот на Дауни се искачил со објавувањето на „Putney Swope“ од 1969 година, кој е сатирична претстава на рекламната индустрија во Њујорк.
„Putney Swope“ се покажал како откровение со трајно влијание и Конгресната библиотека го има ставено филмот во „Националниот филмски регистар“ во 2016 година.
View this post on Instagram
