Починал италијанскиот мафијашки бос Матео Месина Денаро, кој бил уапсен во јануари по 30 години бегство, објави денеска новинската агенција АНСА, пренесува Ројтерс.

Месина Денаро (61) во моментот на апсењето боледувал од рак на дебелото црево. Бидејќи неговата состојба се влошила во последните недели, тој бил префрлен во болница од затвор со максимално обезбедување во централна Италија.

Денаро не побарал агресивен медицински третман, објави АНСА, додавајќи дека лекарите престанале да го хранат откако било прогласено дека е во неповратна кома.

Токму неговата одлука да започне лекување резултирало со негово апсење по посетата на клиниката во главниот град на Сицилија, Палермо. По апсењето, Денаро шест пати по ред бил осуден на доживотен затвор и затворен во максимално обезбедуван затвор во Аквила каде според достапните информации продолжил со лекувањето.

Познат по прекарот Диаболик, име на криминалец и протагонист на познатиот италијански стрип чиј обожавател и самиот, Матео Месина Денаро бил долгогодишен шеф на Козе Ностра во западната сицилијанска провинција Трапани, иако неговата моќ се прошируваше на Палермо.

Тој бил безмилосен убиец и последен претставник на старата гарда на Коза Ностра. Во 1992 година, тој бил дел од група мафијаши испратени во Рим од тогашниот мафијашки бос Салваторе Рина (1930-2017) за да го убијат судијата Џовани Фалконе, познат борец против мафијата. Тие успеале во бомбардирањето на 23 мај во близина на Палермо.

Матео Месина Денаро исчезнал во летото 1993 година и станал најбараната личност во Италија. Во годините што следеле интензивно се барало по него.

На крајот било утврдено дека тој престојувал недалеку од родниот град Кастелветрано во западна Сицилија. По долгогодишно прислушување на членовите на неговото семејство и пријателите, полицијата на крајот го пронашла Денар и го уапсила во приватна клиника во Палермо каде дошол на редовен медицински преглед.

Мафијата издржала и поголеми удари од апсењето на „последниот кум“ на сицилијанската мафија, Матео Месина Денаро