Лолита, орката која беше во заробеништво повеќе од пет децении, почина непосредно пред официјалните лица да ја ослободат и вратат во нејзината природна животна средина, пишува „Си-би-ес њус“.

Тажната вест за нејзината смрт, беше објавена во петокот преку социјалните медиуми на морскиот аквариум во Мајами.

Во соопштението се вели дека последните два дена пред да почине, Лолита покажувала „сериозни знаци на непријатност“. Официјалните лица сметаат дека таа починала од бубрежна болест.

Over the last two days, Toki started exhibiting serious signs of discomfort, which her full Miami Seaquarium and Friends of Toki medical team began treating immediately and aggressively. Despite receiving the best possible medical care, she passed away Friday afternoon… pic.twitter.com/hx79OhGn2O

— Miami Seaquarium (@MiamiSeaquarium) August 18, 2023

„Токита (како што порано ја нарекуваа), беше инспирација за сите кои имаа среќа да ја слушнат нејзината приказна, а особено за нацијата Луми, кои ја сметаа за дел од семејството. Оние кои имаа чест и привилегија да поминуваат време со неа, засекогаш ќе се сеќаваат на нејзиниот прекрасен дух“, се вели во објавата.

Орката Лолита имаше најмалку 57 години, што ја прави најстариот кит-убиец, кој живеел во заробеништво.

Таа била фатена на 8 август 1970 година во Пен Коув, во Сиетл, Вашингтон, кога имала околу 4 години. Подоцна била продадена на аквариумот во Мајами. Кога првпат пристигнала таму, таа живеела покрај друга орка по име Хуго околу 10 години, но тој починал во 1980 година.

Со години, активистите за заштита на животните, сакаа Лолита да биде ослободена и да се пресели во нејзината природна животна средина.

По децениските протести и пропаднати тужби, непрофитабилната организација „Френдс оф Токи“, конечно успеаа да потпишат договор со морскиот аквариум за да ја ослободат орката.

Позната како претставник на јужните китови-убијци, Лолита беше член на загрозената група орки кои живеат во водите меѓу Вашингтон и Канада, каде што се смета дека останале само 73 вакви единки.

ВИДЕО | По 50 години заробеништво, орката Лолита ќе биде ослободена