Гитаристот на групата „Дајр Стреитс “, Џек Сони, почина на 68-годишна возраст.

Веста ја споделија од бендот во трогателна објава на која пишува: „#Џек Сони #Почивај во мир #Дајр стреитс“ (#JackSonni Rest In Peace #DireStraits).

Сони беше познат како „другиот гитарист“ (the other guitarist) во нивната ерата „Brothers in Arms“ според нивниот петти албум, објавен во 1985 година.

Причината за неговата смрт не е откриена.

Во вторникот, “Дајр Стреитс Легаси“ (Dire Straits Legacy), официјална група музичари кои беа на турнеја со бендот, објавија дека Џек страдал од лошо здравје во објава на социјалните мрежи.

Објавата гласеше: „Драги фанови, за жал, Џек Сони нема да може да учествува на нашите следни концерти поради здравствени проблеми. Џек оздрави наскоро, те чекаме! Со љубов, семејството на DSL“.

Сони работеше во познатата продавница за гитари во Њујорк, „Rudy’s Music Stop“ во 1970-тите кога првпат ги запозна коосновачите на „Дајр Стреитс“, Дејвид и Марк Нопфлер.

Тој свиреше заедно со бендот на иконскиот концерт „Лајв Ејд“ (Live Aid) во 1985 година на стадионот Вембли, кој собра пари за гладот што ја погоди Етиопија.

„Дајр Стреитс“ се распадна во 1985 година, иако Нопфлер ја продолжи својата музичка кариера како соло изведувач.

По веста за смртта на Џек, многу фанови се огласија на социјалните мрежи за да му оддадат почит, вклучувајќи и многу пораки на неговата Фејсбук страница.

Роден во Индијана, Пенсилванија, по неговата соработка со „Дајр Стреитс“, Џек продолжи да придонесува за серија други дела на музичари, но ја заврши својата професионална музичка кариера кога се родија неговите ќерки близначки во 1988 година.