Гитаристот Кевин Џорди Вокер почина на 64-годишна возраст од мозочен удар. Тој беше најпознат како член на англиската рок група „Килинг џоук“.

„Со голема тага можеме да потврдиме дека во шест часот и 30 минути на 26 ноември 2023 година во Прага, легендарниот гитарист на „Килинг џоук“, Кевин Џорџи Вокер, почина по мозочен удар, опкружен со своето семејство. Срцето ни е скршено. Почивај во мир брате“, се наведува во објавата на споменатата група на Инстаграм.

Вокер им се придружи на „Килинг џоук“ во доцните 1970-ти кога беше донесен од тапанарот Пол Фергусон и пејачот Џез Колман, за да го комплетираат составот на бендот заедно со басистот Мартин Џут Гловер.

„Килинг џоук“ го издадоа својот деби албум со истото име во 1980 година. Бендот го издаде 15-тиот албум „Killing Joke“ во 2003 година. Истоимениот албум го донесе хитот „Loose Cannon”, кој се искачи на 25-тото место на листата на најслушаните песни во Британија, пишува „Уса тудеј“.