Долгогодишниот партнер на актерката Сандра Булок, фотографот Брајан Рендал почина на 57-годишна возраст по тригодишна борба со Амиотрофична латерална склероза (АЛС), пишува „Пипл“.

„Со голема тага споделуваме дека на 5 август, Брајан Рендал почина мирно по тригодишна борба со АЛС. Брајан уште на почетокот одлучи да го сочува ова за себе и ние кои се грижевме за него направивме сè за да ја испочитуваме неговата желба“, споделија членовите на неговото семејство, кои побараа приватност во овие тешки мигови за нив.

Сандра Булок и Брајан Рендал се запознаа во 2015 година, кога актерката го ангажираше Рендал, како успешен фотограф, да ја фотографира забавата за петтиот роденден на нејзиниот син Луис. Кратко потоа, тие ја започнаа нивната љубовна врска.

Тие го имаа нивното прво појавување како двојка на свадбената прослава на Џенифер Анистон и Џастин Тирокс во август 2015 година. Една година подоцна, тие почнаа да живеат заедно во Лос Анџелес.

Булок има две посвоени деца – Луис (кој го посвои во 2010 година) и Лејла (која ја посвои во 2015 година), а ги растеше заедно со Рендал.