Мохамед aл Фајед, поранешниот сопственик на Хародс, чиј син Доди загина во сообраќајна несреќа заедно со принцезата Дијана, почина на 94-годишна возраст, пишува „Би-би-си“.

Роден во Египет, тој изгради бизнис империја на Блискиот Исток, пред да се пресели во Велика Британија во 1970-тите.

Откако неговиот најстар син Доди беше убиен во сообраќајна несреќа заедно со принцезата Дијана, тој со години ги преиспитуваше околностите околу нивната смрт.

Мохамед остана во голема мера надвор од центарот на вниманието на јавноста во изминатата деценија, живеејќи во неговата палата во Сари со неговата сопруга Хеини.

 „Госпоѓа Мохамед Ал Фајед, нејзините деца и внуци сакаат да потврдат дека нејзиниот сакан сопруг, нивниот татко и нивниот дедо, Мохамед, починал мирно од старост во средата на 30 август 2023 година“, пишува во соопштението.