Почина актерот од „Чувари на плажата“: Семејството се збогуваше со него со трогателни зборови
Флојд Левeјн, кој во текот на својата богата филмска кариера се појави во хит сериите како „Чувари на плажата“, „Мелроуз плејс“ и „Војводата од Хазард“, почина на 93-годишна возраст.
Препорачано
Неговата снаа Трејси Робинс ја објави тажната вест во емотивна објава на Инстаграм во понеделникот, 25 август. Робинс откри дека Левејн починал „мирно“ и „опкружен со своето прекрасно семејство“ во неделата, 24 август. Таа додаде дека тој починал „веројатно сакајќи некој да му донесе мартини“.
„Најдобриот свекор, дедо и шегаџија во секој поглед, Флојд го сакаше Френк Синатра, класичните филмови и правењето сите да се смеат“, напиша таа.
Синот на Левејн и сопруг на Трејси Робинс, Брајан, и самиот е во филмската индустрија. Откако ја продолжи актерската кариера како неговиот татко, тој стана претседател и извршен директор на „Парамаунт пикчрс“ пред да замине претходно овој месец поради спојувањето со „Сакјденс“, според извештајот на „Холивуд репортер“.
View this post on Instagram
„Брајан е практично негов близнак и ќе ја гледаме насмевката на Флојд секој пат кога ќе го погледнеме“, напиша снаата на Левејн. „Би сакала да мислам дека има кастинг во рајот и дека си се појавил рано, со сценариото в рака“, додала таа.
Роден во Њујорк во 1932 година, Левејн првично работел како таксист додека ги одгледувал своите три деца во Бруклин со својата сопруга Рошел. Овој плоден карактерен актер ја добил својата прва улога во 1972 година во криминалната драма „Супер мува“.
Една од најпознатите улоги на Левејн била во 1998 година кога се појавил во серијата „Чувари на плажата“ како водач на криминална банда.
Пред својата последна актерска улога во филмот на Еди Марфи од 2012 година „Илјада зборови“, Левејн се појави во филмот „Мамурлак“ од 2009 година. Откако обезбеди повеќе улоги во популарни ТВ-серии како „Чудо жена“ и „Старски и Хач“, како и споредни улоги како полицајци во филмови како „Желба за смртта“ во 1974 година и „Кучешко попладне“ една година подоцна, Левејн и неговото семејство се преселија во Лос Анџелес во 1979 година.
Во текот на 1980-тите, Левејн се појави во епизоди на серијата „Тимот А“ како Кармин и „Војводите од Хазард“ како г-дин Болдвин.
Неговата актерска кариера продолжи и имаше два одделни појавувања во мистериозната серија „Убиство, таа напиша“, водена од Анџела Лансбери, прво како Арчи Мајлс во 1985 година, а потоа како Хари Крумхолц во 1989 година.
