Парламентот на Етиопија денеска воведе нов данок на сите плати како дел од мерките за пополнување на празнината создадена со суспензијата на американската помош преку агенцијата УСАИД, објавија светските медиуми.

Парите од тој данок ќе одат во новиот Фонд за одговор на ризици од катастрофи.

Етиопија е во конфликт во некои нејзини региони. Поради конфликтот, на милиони луѓе им е потребна помош во храна и здравствена заштита.

Покрај новиот данок за сите во приватниот и јавниот сектор, ќе се бара и задолжителен придонес од компаниите од сите сектори во стопанството.