По Светска банка, и Меѓународниот монетарен фонд (ММФ) го отстрани Косово од листата на зони во состојба на кревкост и конфликт, објави Централната банка на Косово (ЦБК).

Светската банка, исто така, го презеде истиот чекор пред неколку дена. ЦБК го оцени отстранувањето на Косово од таа листа како значаен момент, што го одразува континуираниот напредок на Косово во зајакнувањето на институционалната и макроекономската стабилност, финансиското управување и владеењето на правото, објави Нова рс.

ЦБК наведе неколку клучни придобивки што се очекуваат за Косово по одлуката, истакнувајќи го подобрувањето на меѓународната перцепција за институционалната и економската стабилност, како и зголемувањето на довербата на инвеститорите и намалувањето на проценките на финансискиот ризик.

Тие, исто така, ги истакнаа поповолните можности за финансирање на развојот и пристап до приватен капитал и ја надополнуваат првата оценка на суверениот кредитен рејтинг на Косово, што потврдува позитивен тренд во управувањето и економските основи на земјата.