Откако јавноста ја потресоа бруталните убиства на Росица Коцева од Велес и нејзиниот татко, кои ги изврши нејзиното поранешно момче од Скопје, во полицискиот билтен секојдневно се јавува за по еден фатен или спречен демнач или насилник врз жени.

За последниот таков случај полицијата извести денеска – уапсен е кумановец кој подолго време следел и вознемирувал 28-годишна кумановка.

-На 01.10.2025 во 12:00 часот, полициски службеници од СВР Куманово го лишија од слобода Б.К.(32) од Куманово. Тој бил баран по потерница врз основа на судска наредба поради постоење сомнение за сторено кривично дело „демнење“ по член 144-а од Кривичниот законик, односно дека подолго време следел и вознемирувал 28-годишна девојка од Куманово.

Девојката случајот го пријавила во април годинава, по што судија од Основниот суд Куманово му изрекол на демначот забрана за доближување.

„По преземени мерки, вчера тој е пронајден и лишен од слобода и во службен разговор го признал делото. По целосно документирање на случајот, против него ќе биде поднесена соодветна пријава“, додаваат од МВР.

Непостапувањето за Росица ќе влезе во предистрага на Обвинителството