Во Основното училиште „Невена Георгиева Дуња“ во Општина Кисела Вода денеска свечено беше пуштен во употреба нов затворен базен. На настанот присуствуваа градоначалникот на Општината Орце Ѓорѓиевски, министерот за спорт, Борко Ристовски и премиерот Христијан Мицкоски.

Овој базен е дел од проектот за изградба на пет базени низ државата, започнат од поранешната Агенција за млади и спорт уште во 2019 година, но оставен недовршен со реализација од околу 20%. Останатите четири е предвидено да бидат пуштени во употреба до крајот на летото.

Базенот во општина Кисела Вода е еден од петте базени кои беа почнати од страна на поранешната Агенција за млади и спорт во 2020 година и беа оставени недовршени со реализација од околу 20 отсто.

По откочувањето на процесот за изградба од страна на Министерството за спорт, базенот во општина Кисела Вода е завршен во рок од 6 месеци, а изградбата на останатите четири базени е во завршна фаза и тие треба да бидат пуштени во употреба до крајот на летото, соопшти премиерот.

Градоначалникот Ѓорѓиевски истакна дека базенот ќе има повеќе намени, како дел од наставниот процес на учениците, но и како опција за спортистите и младите од општината.