Фудбалерите на Шкендија се подготвуваат за новата натпреварувачка сезона 2023/24, а се темпира и формата со одигрување на пријателски натпревари.

Во обидот и да се има што подолго европско лето, тетовските „црвено-црни“ изненадувачки претрпеа елиминација уште во првото квалификациско коло од Конференциската лига.

Денеска клубот ја информира јавноста дека е прекината соработката со раководителите од спортскиот сектор, Харун Иса, Скендер Јонузи и Ибраим Османи.

Едногодишниот договор со спортскиот директор Харун Иса и неговите колеги Јонузи и Османи е при крај и од клубот изразуваат благодарност за досегашната посветеност на Шкендија.

На првите луѓе на клубот им е жал за ваквиот епилог, како што беше желбата и идејата дека издигнувањето на Шкендија на посакуваните нивоа се прави со личности со богато фудбалско минато од Тетово. За жал, работите не тргнаа според планираното кон исполнување на целите.