Романија вели дека руски дрон го нарушил нејзиниот воздушен простор, станувајќи втора земја од НАТО што пријавила таков упад во изминатата недела, пренесува Данас.

Романските борбени авиони биле во воздух по рускиот напад во Украина во саботата и успеале да го следат дронот во близина на јужната граница на Украина, соопшти Министерството за одбрана.

Украинскиот претседател Володимир Зеленски рече дека упадот не можел да биде грешка, но дека „Русија очигледно шири војна“. Москва не ги коментираше тврдењата на Романија.

Министерството за одбрана на Романија соопшти дека открило руски дрон кога два авиони Ф-16 ја следеле границата на земјата со Украина, по „руските воздушни напади врз украинската инфраструктура на Дунав“.

Дронот бил откриен 20 километри југозападно од селото Цилија Века, а потоа исчезнал од радарот. Но, не летал над населени места ниту претставувал непосредна закана, соопшти романското Министерство за одбрана.

Полска изрази загриженост за руските беспилотни летала над Романија.

„Превентивните воздухопловни операции – полски и сојузнички – започнаа во нашиот воздушен простор“. Компените системи за воздушна одбрана се во највисока готовност“, напиша Туск.

Претходно оваа недела, руското Министерство за одбрана соопшти дека „нема планови“ за таргетирање објекти на полска почва.

Белорусија, близок руски сојузник, изјави дека беспилотните летала што влегоа во полскиот воздушен простор минатата недела биле несреќа, откако нивните навигациски системи беа блокирани.

Како одговор на најновиот инцидент, Зеленски рече дека руската војска „точно знае каде одат нивните беспилотни летала и колку долго можат да дејствуваат во воздух“.

Тој го повтори својот повик до западните земји да ги заострат санкциите кон Москва.

Непосредно пред инцидентот, Трамп рече дека е „подготвен“ да воведе построги санкции кон Русија, но само ако земјите од НАТО исполнат одредени услови, како што е прекин на купувањето руска нафта.