По завршување на одморите, во втората половина на август, ќе бидат официјализирани деталите околу деталите за локалните избори, најави денеска премиерот Христијан Мицкоски.

Тој ги оцени како иклучително контруктивни разговорите со владините партнери и потенцијалните коалициски сојузници за заеднички настап на претстојните локални избори.

„Очекувам дека некаде по годишните одмори ќе имаме и официјално соопштение до јавноста. Во периодот помеѓу 5 и 15 август Владата ќе биде на годишен одмор. Анализите ќе продолжат во тој период, и разговорите ќе траат. Во втората половина на август очекувам да заврши целиот процес и да се официјализира коалицискиот настап – изјави Мицкоски.

Рече дека се завршени разговорите со внатрешните коалициски партнери и дека следуваат финалните анализи по што ќе се објават и имињата на кандидатите за градоначалници кои ќе добијат поддршка од коалицијата. Владините партнери, додаде Мицкоски, ќе имаат свои советнички листи, но поддршката на кандидатите ќе биде заемна.