Со цел да му честита на својот пријател Роберт Дауни помладиот, за освоениот Оскар, Џони Деп сподели фотографија на Инстаграм за која мислеше дека е нивна стара фотографија, пренесува „Мирор“ (The Mirror).

Меѓутоа, фановите веднаш сфатија дека се работи за фотошопирана фотографија која со години кружи на интернет.

johnny depp being proud of his bestie robert downey jr im gonna collapse pic.twitter.com/EiyG8mkwrZ

— maría (@jxnsmanager) March 11, 2024

На вистинската фотографија не се прикажани двајцата пријатели, туку Дауни со неговата тогашна девојка Сара Џесика Паркер. Некој очигледно го предупредил актерот за грешката бидејќи лажната фотографија брзо била избришана од профилот.

Тој подоцна сподели вистинска слика од парот на социјалните мрежи. „Ајде да се обидеме повторно… честитки мој драг пријателе“, му рече Деп на другарот Дауни, кој ја доби наградата за најдобра споредна машка улога за неговата улога во „Опенхајмер“.

Дауни првпат доби Оскар, иако пред ова два пати беше номиниран – за улогите во „Чаплин“ од 1992 година и онаа во „Тропски гром“ од 2008 година. Покрај Оскар, оваа година доби и Златен Глобус, БАФТА, наградата САГА (награда на здружението на актери на екранот) и „Наградата за избор на критичарите“ за најдобра споредна машка улога.