Точната причина за смртта на ирската пејачка Шинејд О’Конор (56) е откриена една година по нејзината смрт, објавија денеска медиумите и прецизираа дека смртта е последица на хронична опструктивна белодробна болест и астма проследена со пад на имунолошки систем поради респираторна инфекција.

Како што потсетуваат медиумите, пејачката почина во Лондон во 2023 година, а потврдата за нејзината смрт, до која сега имаа пристап, ја потпишал нејзиниот поранешен сопруг Џон Рејнолдс.

Таа беше најпозната по синглот „Nothing Compares 2 U“, кој беше на врвот на топ-листите ширум светот, според „Њујорк пост“.

Кога лондонската полиција дошла во станот каде е пронајдено телото и утврдила дека се работи за Шинејд О’Конор, изјавиле дека смртта на пејачката не е сомнителна.

Тогаш медиумите наведуваа дека О’Конор, која доживеа огромна трагедија пред смртта, живеела во пентхаус за кој платила 3.000 фунти и потсетија дека на социјалните мрежи објавила дека подготвува нов албум и глобален кариера.

О’Конор почина 18 месеци по смртта на нејзиниот 17-годишен син Шејн, кој си го одзеде животот во јануари 2022 година.

Пејачката изјави дека Шејн е „светлината на нејзиниот живот“, а во последниот твит објави негова фотографија со текст дека тој е љубовта на нејзиниот живот и дека по неговата смрт таа повеќе не се чувствува жива.

О’Конор со години се бореше и со психички проблеми, кои беа резултат на тешкото воспитување и злоупотреба, а во 2018 година премина во ислам и го промени своето име во Шухада Садакат.

О’Конор има издадено 10 студиски албуми, од кои вториот, „I Do Not Want What I Haven’t Got“, објавен во март 1990 година, е продаден во повеќе од седум милиони копии.

Таа е родена во Даблин во 1966 година, а на 13-годишна возраст ја напуштила мајка си за да живее со нејзиниот татко, кој повторно се оженил. Поради кражбата завршила во установа за превоспитување, која ја нарече и „затвор за девојчиња“.

Таа има три деца – Џејк Рејнолдс, Ројсин Вотерс и Џошуа Бонадио.

Често контроверзна, О’Конор беше позната по нејзиниот исклучителен вокал, кратката коса и отворените политички ставови.
Нејзиното појавување на „Saturday Night Live“ во 1992 година, на кое ја искина фотографијата на папата Јован Павле Втори, предизвика широка јавна осуда и бојкот.