По долги години поќерката на Елизабет Тејлор проговори за врската со холивудската дива
Поминаа единаесет години од смртта на холивудската ѕвезда Елизабет Тејлор. Оваа гламурозна дива беше и остана главен модел за многумина во светот на модата, филмот и убавината, но и деловниот сегмент. Нејзините деца и внуци ја паметат познатата актерка, исто како и нејзината поќерка Кејт Бартон.
Препорачано
View this post on Instagram
Актерката Кејт Бартон, ќерка на Ричард Бартон и Сибил Вилијамс во новото интервју се осврна на врската со маќеата Елизабет Тејлор.
Спротивно на траумите што многу деца ги доживуваат кога се запознаваат со новите партнери на нивните родители, Кејт доживеала многу пријатно искуство на кое сè уште со задоволство се сеќава.
View this post on Instagram
Кога нејзиниот татко Ричард решил повторно да се ожени, Кејт имала само седум години. Избраничката на неговиот татко била Елизабет Тејлор, актерка по која тогаш воздивнувал Холивуд и светот. Иако Тејлор во тоа време имала три биолошки деца од поранешните бракови, Кејт се сеќава дека ја прифатила како своја.
„Почувствував топло добредојде од првиот момент. Нејзините деца ми се како браќа и сестри уште од првиот ден и јас сè уште ги чувствувам така. Ние сме многу блиски и поврзани. Сето тоа ѝ го должиме на Елизабет, која го направи својот дом наш заеднички и семеен дом, изјави за „PageSix“ 64-годишната Кејт Бартон.
View this post on Instagram
Елизабет и Ричард ја имале една од најинтересните холивудски приказни. Тие првпат се венчале во 1964 година. Двојката се запознале на снимањето на филмот „Клеопатра“, во време кога и двајцата биле во брак со други луѓе. Елизабет со Еди Фишер и Бартон со Сибил Вилијамс. Сепак, страста меѓу нив била посилна и тие едноставно не можеле а да не завршат прегрнати. Свадбата се одржала во Монтреал во хотелот Риц-Карлтон.
View this post on Instagram
По десет години брак се разделиле, а потоа страста повторно се разгорела. Тие се венчале по втор пат на 10 октомври 1974 година во Боцвана, пред локално племе.
„Да се биде во друштво на Елизабет секогаш беше забавно. Таа беше многу топла и срдечна личност со префинета смисла за хумор. Забавата секогаш и беше на прво место и ја паметам како исклучително весела и секогаш насмеана личност“, се присети нејзината поќерка Кејт.
