Американската пејачка и поранешна девојка на Шон Комбс – Диди, Каси Вентура го роди своето трето дете, само две недели по нејзиното сведочење на судењето против музичкиот магнат, кој се соочува со тешки обвиненија за сексуална трговија и организиран криминал. Како што објави Ти-ем-зи, Вентура се породила во болница во Њујорк, а на свет донела момче.

Новороденчето се придружува на двете постари сестрички Френки и Сани. Пејачката во февруари 2024 година откри дека е бремена по третпат, преку серија црно-бели фотографии објавени на Инстаграм, на кои гордо го покажуваше трудничкиот стомак облечена во раскопчана кошула и фармерки.

Каси е во брак со фитнес-тренерот Алекс Фајн од август 2019 година. Парот се венчаше во интимна церемонија во Малибу, само неколку дена по објавата дека се свршени и дека го очекуваат своето прво дете.

Сведочењето на Каси во судската сала привлече огромно медиумско внимание. Таа пред поротата откри дека Диди ѝ се заканувал дека ќе објави интимно видео ако не прифати да присуствува на една од неговите озлогласени „freak-off“ забави. Вентура сведочеше дека чувствувала како да е заробена и дека на крајот прифатила да присуствува на забавата во Њујорк само за да престане со заканите.

Дополнително, Каси откри дека Диди инсистирал таа да го промени својот изглед и ѝ наредил да го избричи дел од нејзината коса, потег што подоцна ќе стане нејзин визуелен заштитен знак во музичката кариера. Во сведочењето раскажа дека тој ѝ рекол нејзината долга коса дава „премногу мексикански изглед“.

По нејзиното сведочење, сопругот Алекс Фајн јавно ѝ изрази поддршка со емотивна изјава во која ја пофали храброста и силата на својата сопруга.

„Јас бев сведок на храброста на жената која се ослободуваше од своето минато. Му се обраќам директно на Диди: не го скрши нејзиниот дух, ниту нејзината насмевка што ја осветлува секоја просторија. Не ја скрши жената што ме направи подобар маж“, изјави тој.

Фајн додаде и дека Кaси самата се извлекла од злоупотреба, уцени, насилство и закани – борба што, според него, само демон би можел да ѝ ја нанесе.

Каси Вентура хоспитализирана две недели по сведочењето на судењето на Диди: Итно е примена во одделот за породување