Откако мрежата на операторот А1 имаше проблеми речиси 2 часа, при што корисниците на Телеком не можеа да се јавуваат од мрежата на Телеком кон мрежата на А1, изгледа дека ситуацијата е вратена во нормала.

Мрежата на А1 се стабилизира, па така корисниците повторно можат да остварат повици.

Претходно, корисници на мрежата на А1 до нашата редакција се јавија со поплака дека од нивната мрежа можат да остваруваат појдовни, но засега не добиваат дојдовни повици.

Од А1 рекоа дека станувало збор за глобален технички проблем со мобилните оператори, како и дека нивните екипи се на терен и работат на отстранување на проблемот.