Денеска во рамките од 21 коло во Првата македонска фудбалска лига фудбалерите на Вардар и Беса 1976 ремизираа без голови 0:0.

За Вардар ова беше петто реми во шампионатот и ги одржува шансите за опстанок во елитата.

Моментно скопските „црвено-црни“ се надвор од опасната зона, односно се на деветтата позиција со 17 бодови.

Беса 1976 после шестото реми во првенството се наоѓа на позиција која води во понизок ранг, ја зазема претпоследната 11 позиција со 15 бодови.

Во следното коло Вардар на 5 март го очекува градското дерби против Работнички, додека Беса 1976 истиот ден ќе го пречека Силекс.