Денеска во петтото коло од Првата македонска фудбалска лига, екипата на Вардар на домашен терен со 1:0 славеше против Македонија ЃП.

Немаше погодоци во првото полувреме, а единствениот погодок беше реализиран во вториот дел, односно во 52 минута кога победа за „црвено-црните“ донесе Азер Омерагиќ, негов прв оваа сезона.

Ова е четврта победа за Вардар во шампионатот и моментно е на првото место во генералниот пласман со 13 бодови, еден повеќе од Силекс и Струга кои своите мечеви ќе ги играат в сабота, а Шкендија која исто така има меч помалку, се наоѓа на четвртото место по денешната победа над Башкими од 2:1.

Македонија ЃП го претрпе четвртиот пораз во првенството и се наоѓа на седмата позиција со три бодови.

Во следното коло Вардар на 18 септември ќе му гостува на Арсими, додека два дена порано тимот на Македонија ЃП ќе го пречека составот на Брера Струмица.