Денеска се одиграа двата заостанати натпревари од 15 коло во Првата македонска фудбалска лига: Струга Трим Љум – Воска 1:0 и Силекс – Вардар 3:2.

Стрелец на единствениот гол за актуелниот шампион во „езерското дерби“ беше Згуро од пенал во самиот финиш од мечот.

Во вториот дуел одигран во Кратово скопските „црвено-црни“ поведо со голот на Мишковски во 14 минута.

Водството на гостите траеше до 20 минута кога израмни Каланоски, а истиот играч се погрижи за позитива на домашниот состав седум минути подоцна.

Серафимовски во 77 минути стрелаше за 3:1, а конечниот епилог беше поставен во 89 минута кога погодок запиша Јусуфи.

По 17 одиграни кола Струга е моментно на првото место со 36 бодови, Силекс после седмата победа сезонава е четвртопласиран со 27, потоа Воска Спорт е на 11 позиција со 17, три повеќе од Вардар на 12 место.