На македонските фудбалски терени денеска се играа натпревари од 17. коло во Првата лига.

Вардар и Тиквеш на Арената „Тодор Проески“ го играа дербито на дното кое на крајот заврши без победник 1:1. Тиквеш прв стигна до водство со голот на Спахиу во 41 минута и на пауза замина со предност.

Се играше 65. минута кога Ненад Мишковски погоди и го врати Вардар резултатски во игра. Во самиот финиш Омерагиќ пропушти две одлични прилики да донесе победа за Вардар, па двете екипи ги поделија бодовите.

На останатите средби, Работнички лесно славеше во Струмица со 1:3 против Брера, лидерот Шкендија во Охрид ја совлада Воска минимално со 01, Пелистер дома беше подобар од Беса со истиот резултат, а единствениот натпревар без голови го одиграа Гостивар и Силекс.

ТАБЕЛА: Шкендија 36, Силекс 34, Гостивар 34, Работнички 34, Струга 29, Шкупи 19, Пелистер 19, Брера 19, Беса 13, Вардар 13, Воска 12, Тиквеш 11.