На македонските фудбалски терени денеска се одиграа два натпревари во рамките од шестото коло од ПМФЛ, а во нив победи славеа екипата на Башкими и Македонија Ѓорче Петров.

Екипата на Башкими приреди изненадување и по двата порази се врати на победничките патеки и тоа против актуелниот вицешампион и лидер на табелата Силекс славејќи победа о 2-1.

Изненадувањето го најави екс-фудбалерот на Шкупи, Aворино кој погоди по 20-тина минути игра и тоа беше единствениот гол во првите 45 минути.

Само што започна вториот дел, Филип Алексовски во 53. минута се погрижи за 2-0. Башкими по еден час игра остана со фудбалер помалку откако исклучен беше  Фисник Зука. Сепак гостите од Кратово до крајот само постигнаа гол со кој го ублажија поразот.

За Силекс ова беше прв натпревар во кој испушти бодови бидејќи од стартот на сезона имаа пет победи во исто толку натпревари.

Во вториот натпревр, Македонија Ѓорче Петров ја оправда фаворитската улога славејќи со 2-0 над Брера. Стрелци за домаќините беа Христов во провто полувреме и Талаков во второто. И на оваа средба видовме исклучување  и тоа кај гостите кога црвен картон заработи Хасан во 63. минута.