Екипата на Арсими оствари убедлива и важна победа во рамките на петтото коло од Првата македонска фудбалска лига, откако среде Битола го декласираше Пелистер со високи 4-0.

Иако првото полувреме помина без голови, гостите од Кичево го отворија резултатот во 66. минута преку Бесагиќ, кој ја затресе мрежата на битолчани и го најави распадот на домашната одбрана.

Само неколку минути подоцна следеше шок за Пелистер, Таипи и Шефити погодија еден по друг и за кратко време резултатот беше 0-3. Гостите не застанаа тука и го искористија падот во играта на домаќините и пред крајот на натпреварот постигнаа уште еден гол, за да го заокружат убедливиот триумф.

Со оваа победа Арсими скокна на седмото место на табелата и сега има пет освоени бодови, додека Пелистер, и покрај домашниот пораз, остана на шестата позиција со шест бода.

ПМФЛ: Струга лесно се справи со Тиквеш и остана максимална