Во Преспа вчера, во организација на ПК „АКВАСПИРИТ“ се одржа вториот по ред пливачки маратон „ПРЕСПА 2022“ кој воедно беше прва трка од „Македонскиот куп во далечинско пливање“ 2022 година. Од клубот велат дека особено се горди на фактот што со успешната организација докажале дека Преспа е одлична дестинација со огромен потенцијал.

На трката, на која зедоа учество десетина клуба со над 30-тина пливачи, доминираа пливачите на ПК Нептун и тоа во машка конкуренција:

1. Александар Илиевски ПК Нептун Скопје 28:35,2
2. Андреј Стојановски ПК Нептун Скопје 29:16,8
3. Михаил Велков ПК Нептун Скопје 32:56,2

И женска конкуренција:

1. Калина Стојановска ПК Нептун Скопје 34:17,0
2. Софија Стефановска ПК Нептун Скопје 36:41.0
3. Ангела Смилевска ПВК Орион Скопје 37:38.0

Помладите пливачи на ПК Нептун, пак, свој успешен настап имаа викендов на 8. Монтенегро Опен 2022 кој се одржа во Подгорица, Р. Црна Гора.

Емилија Велкова (2009 г.) освои три златни медали на 100, 200м слободно и 100м грбно, Сара Анастасовска (2009 г.) триумфираше на 200м мешано и 400м слободно, Виктор Буклески (2010 г.) победи во трките на 200м мешано, 200м градно и 400м слободно, Мане Манов (2005 г.) освои сребро на 50м градно и Матеј Димитриевски (2007 г.) освои сребрен медал на 50м градно.

На митингот учествуваа околу 380 натпреварувачи од 37 пливачки клубови од 10 земји: Црна Гора, Македонија, Србија, Албанија, БиХ, Косово, Италија, Полска, Англија и Украина.