Демонстрацијата на српскиот претседател Александар Вучиќ како се прави седнвич со „паризер“ доби своја верзија на Интернет. Србите измислија игра со ликот и гласот на Вучиќ која веќе може да се симне од Плејстор.

Вучиќ во средата се снимаше како појадува леб, мајонез и паризер, а реакциите на социјалните мрежи не стивнуваат.

Тој ги испрати министрите Томислав Момировиќ и Синиша Мали во продавница по намирници за појадок од оние кои од денеска се продаваат по намалени цени во Србија во рамки на акцијата „Подобра цена“. Момировиќ и Мали купија половина килограм „паризер“, два литра јогурт, два леба и мајонез и направија сендвичи во кабинетот на Вучиќ.