Ресторанот „Стрит бургер“ (Street Burger) во срцето на Лондон, кој е дел од синџирот во сопственост на познатиот готвач Гордон Ремзи, неодамна е затворен. Според странските медиуми, имало бројни негативни критики од гостите, но не се знае дали тоа била вистинската причина за затворањето.

Луѓето со месеци се жалеле на лошата храна и услуга и високите цени, а ресторанот во моментот на затворањето имал оценка само 3,5 на „ТрипАдвајзор“ (TripAdvisor). Од вкупно 226 рецензии, кои тогаш ги имал ресторанот на познатиот британски готвач, 76 го оцениле како „лош“ или „ужасен“.

„Лош вкус, лоша услуга, сè е лошо“

„Ова е дефинитивно најлошото место на кое сум бил некогаш. Никогаш не сум се чувствувал толку непријатно во ресторан. Од моментот кога пристигнавме, персоналот беше рамнодушен, па дури и лут што воопшто мораа да нè послужат.”

„Беа бавни, незаинтересирани и непристојни кога баравме нешто едноставно како чаша вода. Храната беше прескапа. Избегнувајте го ова место ако сакате убаво излегување“, напишал еден посетител, додека друг додал дека тој и неговото семејство ја чекале храната повеќе од еден час, а келнерот не им го донел ниту пијалакот што го нарачале.

„Лош вкус, лоша услуга, лоша големина на порцијата, лоша цена, лошо сè“, напишал некој, повикувајќи го Ремзи „да се вразуми и да го среди ресторанот бидејќи најчесто е празен“.

„Отидов на плескавица (бургер) со внука ми. Имавме две обични плескавици со помфрит, секоја ја плативме по 18 фунти (околу 22 евра). Тоа е премногу“, напишал една незадоволна гостинка.

Ремзи не се огласил

Ниту познатиот готвач ниту неговото раководство сè уште не ги коментирале наводите за затворањето или причините зошто воопшто дошло до тоа. Ова не е првиот ресторан што британскиот готвач бил принуден да го затвори во текот на својата долга кариера.

Покрај „Мазе“ во лондонскиот Мејфер во 2018 година, кој наводно се затвори поради загуби од над три милиони евра, една година претходно, негативните критики му пресудија и на неговиот ресторан за висока кујна (haute cuisine), сместен во легендарниот лондонски хотел „Клариџис“. Познатиот готвач често е критикуван за високите цени на храната што ја нуди во своите ресторани.

Минатата година тој ги налути потенцијалните гости со плескавица која чинеше 22 евра, но тоа не го спречи да продолжи да работи на проширување на својата кулинарска империја. Во јануари беше најавено дека наскоро ќе отвори четири нови ресторани во истата зграда во Лондон, вклучувајќи го и луксузниот „Лаки кет“ (Lucky Cat), кој нуди традиционални јапонски специјалитети.

Гордон Ремзи вели дека никогаш не треба да го нарачате ова јадење во ресторан

Гордон Ремзи вели дека никогаш не треба да го нарачате ова јадење во ресторан