Платини даде изненадувачки предлог: Да го намалиме бројот на фудбалери на теренот
Поранешниот претседател на УЕФА, Мишел Платини се најде во центарот поради неговата последна изјава поврзана за промените во фудбалот.
Препорачано
Платини смета дека намалувањето на бројот на играчи на теренот од 11 на 10 во еден тим би можело да придонесе за подобар и поквалитетен фудбал. Според Французинот физичките способности на играчите многу се промениле од кога било донесено правилото за 11 играчи.
„Можеби намалувањето на бројот на играчи во една екипа од 11 на 10 би била добра одлука. Одлуката една екипа да игра со 11 фудбалери беше донесена во 1900 година, но тогаш играчите беа многу физички послаби и побавни, денес е поинаку. Напредокот во физичката спремност е неспоредлив, па затоа сметам дека со намалувањето на бројот на играчи би се ослободил простор на теренот“, изјави Платини.
Во 2015 година Платини како претседател на УЕФА беше суспендиран од фудбалот и таа суспензија траеше до 2023 година, а ја доби поради корупциски скандал.
