Телото на Ла Ноти, земјоделец од индонезиското село Маџапахит во југоисточен Сулавеси, е пронајдено во стомакот на питон долг осум метри, објави денес индискиот весник „Индиски фри прес џурнал“.

Човекот се води како исчезнат од петок наутро, бидејќи не се вратил дома од својата фарма.

Пребарувајќи ја областа со плантажата, жителите откриле питон како лежи на стомак со контури на „човечка структура“, а кога го отвориле стомакот на џиновскиот питон, внатре го пронашле телото на исчезнат индонезиски земјоделец.