Српското министерството за внатрешни работи ја информираше јавноста дека во четврток, за време на редовното сортирање на поштата во зградата на Владата на Република Србија, забележан е плик адресиран до вицепремиерот и министер за внатрешни работи Ивица Дачиќ во кој содржел три куршуми.

Во соопштението на српската полиција се наведува дека за време на безбедносната проверка на пратката со рендгенски уред, во пликот се пронајдени три куршуми, пишува „Њузмакс Балканс“.

Утврдено е дека споменатата пратка е предадена на 26 август во канцеларијата на Поштата на Србија во Пожаревац.

Во меѓувреме српската полиција го идентификуваше и го пронајде лицето кое ја предало пратката, а во тек е понатамошна работа за утврдување на сите околности на настанот, наведува медиумот.

Министерството за внатрешни работи соопшти дека презема сите законски пропишани мерки и дејствија со цел да се заштити безбедноста на граѓаните и институциите на Србија.