Американскиот претседател Доналд Трамп изјави дека е подготвен да воведе значителни санкции врз Русија кога „сите земји од НАТО ќе се согласат и ќе почнат да го прават истото“, нагласувајќи истовремено дека војната во Украина ќе заврши ако ги следат неговите инструкции.

Трамп, исто така, забележа – преку писмо до членките на НАТО – дека „посветеноста на НАТО кон победата е далеку помала од 100%, а купувањето руска нафта од страна на некои е шокантно! Тоа значително ја ослабува вашата преговарачка позиција и вашата преговарачка моќ со Русија. Во секој случај, јас сум подготвен да „одам“ кога ќе бидете подготвени“.

„Тука сум само за да помогнам да се спречи тоа и да се спасат илјадници руски и украински животи“, тврди Трамп во својата објава на Truth Social.

Во исто време, тој ја спомена и Кина, истакнувајќи дека „таа врши силна контрола, дури и влијание, врз Русија, а овие силни тарифи ќе го скршат тоа влијание“, нагласува американскиот претседател.

-Кина има силна контрола, дури и влијание, врз Русија, а овие силни царински мерки ќе го скршат тоа влијание. Ова не е ВОЈНАТА НА ТРАМП (никогаш немаше да започне ако јас бев претседател!), туку е ВОЈНАТА на Бајден и Зеленски. Јас сум тука само за да помогнам да се запрат и спасат илјадници руски и украински животи (7.118 животи изгубени само минатата недела. ЛУДО!). Ако НАТО го направи она што го велам, ВОЈНАТА ќе заврши брзо и сите овие животи ќе бидат спасени! Ако не, само го трошите моето време,  и времето, енергијата и парите на Соединетите Американски Држави. Ви благодарам за вашето внимание на ова прашање! , нагласи американскиот претседател на Трут Сошал.