Актерот Пирс Броснан се изјасни за виновен за нелегално планинарење и се согласи да плати казна од 1.500 долари зошто влегол во заштитена област на Националниот парк Јелоустоун.

Пирс се изјасни за виновен за едно од двете обвиненија за нелегално планинарење што му беа покренати откако се обиде одблиску да ги погледне топлите извори во областа Мамут Тераси во паркот, според судските документи поднесени денеска, пишува „Дејли мејл“.

Броснан претходно изјави дека е невин иако бил фотографиран во заштитено подрачје во моментот на прекршокот. Тој ја даде својата прва изјава на 4 јануари во Окружниот суд во Вајоминг. Судијата го одобри неговото барање за виртуелна конференција на 20 февруари. Тој требаше да се појави на суд на 23 јануари, а прекршокот се случи на 1 ноември.

Инаку, скршнувањето од пропишаната патека е казниво со затвор до шест месеци и парична казна до 5.000 долари. Доколку се оштети заштитениот дел од познатиот парк, може да поминат години додека се санира шетата.

Пирс Броснан мора на суд: Влегол во забранета област на национален парк