Руската влада го одобри предлог законот со кој се менуваат правилата за одговорно постапување на животните. Планот е да се воведат нови правила во рамките на законот и да се забрани шетање на кучиња од страна на пијани луѓе и деца на возраст под 14 години.

Предлогот на членовите на Советот на Федерацијата е да се ограничи бројот на животни во станот, како и должината на поводник за кучиња. Авторите на предлогот, Алексеј Мајоров, Татјана Гигељ и Виктор Новожилов, сметаат дека промените можат успешно да се воведат во сите региони на земјата без финансиски инвестиции.

Владата предложи да се разгледаат варијанти на можни извори на финансирање и тие сметаат дека е потребно да се прецизира законот, бидејќи не е јасно за кои животни се мисли во можните забрани.

Според информациите на рускиот весник „Известија“, мислењата за оваа иницијатива се поделени во Државната дума. Така, шефот на кабинетот за екологија и заштита на животната средина, Владимир Бурматов, смета дека регионите имаат доволно овластување да ја регулираат ситуацијата со кучињата што шетаат и да се грижат за домашните миленици. „Либерално-демократската партија на Русија“ и „Само Русија“ го поддржаа нацрт-законот.

Потпретседателот на Московското друштво за заштита на животните, Кирил Горјачов, исто така верува дека се потребни ограничувања за шетање миленичиња за деца на возраст под 14 години и пијани граѓани. Тој смета дека забраната треба да важи само за лица во умерено или високо ниво на интоксикација, за да не се засилат ограничувањата без потреба.