Деветнаесетгодишна радовишанка со 2,23 промили алкохол во крвта предизвикала сообраќајка и избегала. Инцидентот, според МВР се случил вчера рано наутро во 6.30 часот на улица „Самоилова“ во Радовиш.

– Полициски службеници од СВР Струмица-ОВР Радовиш ја лишиле од слобода Т.К.(19) од Радовиш. Таа на ул. „Самоилова“ во Радовиш, управувајќи моторно возило предизвикала сообраќајна несреќа и го напуштила местото на настанот, а по преземени мерки било утврдено дека возилото го управувала под дејство на алкохол, односно дека има 2.23 промили во крвта. Т.К. е задржана во Полициската станица Радовиш, а по документирање на случајот – соопшти МВР.

Против неа ќе биде поднесена пријава по член 297-а од Кривичниот законик – „безобѕирно управување со моторно возило“.