31-годишен скопјанец вчера возел електричен тротинет пијан во населбата Аеродром и не запрел на знак од полицајци, по што влетал во група граѓани кои протестирале против депонијата „Вардариште“ на крстосница, информираат од полицијата.

„На 06.09.2025 во 19:10 часот во Скопје, на подрачјето на Општина Аеродром, полициски службеници го привеле К.Р.(31) од Скопје, поради тоа што го нарушил јавниот ред и мир со тоа што управувајќи тротинет, не застанал на даден знак од полициски службеници и влетал во група на луѓе, кои присуствувале на протест. При извршен алкотест, било констатирано дека К.Р. е под дејство на алкохол, односно имал 1,53 промили алкохол во крвта. По целосното документирање на случајот, против него ќе биде поднесена соодветна пријава“, велат од МВР.