Пијан полицаец кој бил на должност, вперил пиштол кон српскиот кошаркар, Мирослав
Радуљица, пишува „Српска инфо“.

Кошаркарот успеал да му го одземе оружјето на полицаецот, а потоа во инцидентот наводно интервенирал уште еден полицаец, кој е познат по своето несоодветно однесување.
Поголем инцидент спречиле специјалните единици  кои го уапсиле инспекторот С.Ш.. Апсењето на инспекторот го објави и полициската управа во Мркоњиќ Град, без да открие премногу детали за овој случај. Исто така тие посочија дека С.Ш. е осомничен за загрозување на безбедноста.

Радуљица бил во присуство на свои роднини кога инспекторот С.Ш. му пришол на кошаркарот и побарал да се фотографира со него. Радуљица тоа го одби, по што инспекторот предизвика сериозен инцидент и направи скандал, пишува „Српска инфо“.

Според медиумот, Радуљица не се исплашил и му го одзел пиштолот по што во конфликтот се вклучи и друг инспектор, кој беше во друштво на С.Ш и тој го нападнал роднината на кошаркарот. Тогап интервенирале припадниците на специјалните единици ги уапсија пијаните колеги.

Мирослав Радуљица поради повреда не е дел од српската репрезентација на квалификацискиот турнир за пласма на ОИ кој се игра во Белгад.