45-годишен државјанин на Северна Македонија учествувал во сообраќајна несреќа на улицата Радничка во Загреб околу 6 часот во неделата, пишува хрватски Индекс.

Тој управувал автомобил „Фолксваген Пасат“ со загрепски регистарски таблички и се движел во југозападен правец низ паркингот што се наоѓа на северната страна од патот што води до ресторанот.

Пристигнувајќи кај куќата број 27, возејќи наназад, тој се вратил на пристапниот пат каде што застанал и почнал да се движи напред. Во тој момент, предниот лев дел од автомобилот се судрил со задниот дел од патничко возило „Рено Клио“ со загрепски регистарски таблички, сопственост на 40-годишна жена, кое било паркирано на северната страна од патот.

Индекс наведува дека истрагата и алкотестот открија дека 45-годишниот возач управувал возило со 1,76 промили алкохол во крвта.

Во сообраќајната несреќа е нанесена материјална штета. Возачот е уапсен, а потоа е одведен во Општинскиот суд за прекршоци во Загреб.

Судот го прогласи обвинетиот за виновен, му изрече парична казна од 4.860 евра и му изрече заштитна мерка со забрана за управување со моторни возила од категорија Б во траење од 12 месеци.