Пијан маж на возраст од 40 години ги вознемирил вработените и гостите во кафуле во хрватскиот град Дарувар, откако со моторна пила му се заканил на диџејот во локалот, барајќи да ја смени музиката.

Според полицијата, 40-годишниот човек го нарушил јавниот ред и мир влегувајќи во локалот со моторна пила во раката.

Тој се доближил до диџејскиот пулт, ја ставил моторната пила и му рекол на 23-годишниот диџеј да ги пушти песните што ги нарачал или ќе го скрши пултот. Бидејќи неговото однесување ги вознемирило вработените и гостите во кафулето, била повикана полицијата, која му ја одзела моторната пила и го привела.

– Потоа беше сместен во специјални полициски простории додека не се отрезни. Поради сторен прекршок по член 13 од Законот за прекршоци против јавниот ред и мир, ќе биде поднесен обвинителен акт до надлежното одделение за прекршоци при Општинскиот суд Бјеловар – велат од полицијата.

Не е познато колку алкохол во крвта имал „дрвосечачот“, бидејќи го одбил алкотестот, пренесуваат медимите.