Со големо жалење ја следиме состојбата во Словенија која ја погоди големо невреме и поплави. Не можеме да го гледаме ова, а да не понудиме помош, напиша министерката за одбрана, Славјанка Петровска на нејзиниот Фејсбук-профил.

Подготвени сме да подадеме рака и да помогнеме во справувањето со последиците од ова невреме и да покажеме дека вистински пријатели се познаваат во тешки моменти. Заедно сме посилни! – додава министерката.

ВИДЕО: Големо невреме ја зафати Словенија, евакуирани граѓани во некои региони

Словенија синоќа ја зафати големо невреме, а словенечката агенција за животна средина издаде црвено светло на предупредување за северниот дел на земјата.

Најпогодени се Марибор, Цеље, Птуј, Крањ, Нова Горица, Словењ Градец и главниот град Љубљана. Во текот на ноќта наврнале 100 и 200 литри на метар квадратен, што е еднакво на месечната количини на врнежи.

Во поплавите на северот на Словенија загина едно лице, а врнежите се очекува да продолжат и во сабота.