Eкипата на Вардар на стартот од сезоната изненадувачки се одлучи да го промени тренерот и на местото на Горзад Михаилов пристигна Горан Петрески кој претходно дојде во клубот како негов асистент.

По преземањето на тимот Петрески ги искажа своите очекувања за новата сезона и како што вели целта на Вардар е излез во Европа.

„Чувството е одлично. Ова е мој клуб, тука минав преку 20 години како играч и тренер. Сум имал неколку трофеи во младинските категории. Ова е еден од најголемите клубови не само во Македонија туку и пошироко. Горд сум за довербата што ја добив. Момците можат многу подобро, ќе работиме секојдневно. Сега почнавме да работиме според мојата филозофија. Сакам офанзивен фудбал, а се надевам за брзо време ќе го покажеме тоа на терен.

Тие што ме познаваат, како човек скеогаш целам кон првото место. Нормално дека по лоши години доаѓаат нови ветрови и нови луѓе кои вложуваат во клубот и сакаат да го вратат на врвот. Се надевам дека ќе можеме да се бориме за излез во Европа, тоа ќе ни биде огромен успех“, изјави Петрески.

Вардар по две кола во првенството има пораз против Брера и победа од дербито против Пелистер во минатото коло.