Дури петмина од пациентите кои починале од ковид-19 во изминатите 24 часа имале помалку од 45 години, а сите биле од Скопје, покажуваат податоците на здравствените власти.

Починатите биле на возраст од 33, 34, 36, 40 и 44 години, а како и другите 12 пациенти кои ја загубиле борбата со опасниот вирус во изминатиот ден, и тие починале во болнички услови, се вели во соопштението на Министерството за здравство.

Во тој период се регистрирани 544 нови случаи на заразени со вирусот, а 891 пациент оздравел.

Вкупната бројка на ковид-дијагностицирани лица во Македонија од почетокот на епидемијата изнесува 187.622, бројката на оздравени пациенти е 168.700, починале 6.489 пациенти, а бројот на активни случаи во моментов изнесува 12.433.