Иако не е така лесно, но жената не треба да го сфаќа премногу лично ако мажот изгуби интерес за неа после секс. Тоа само покажува дека тој не бил вистински присутен за неа од почетокот и подобро е што си заминал веднаш отколку по повеќе години лоша врска.

Како што некои би рекле „морето е полно со риби“ и некаде сигурно има маж кој ќе сака жена со цело срце и ќе биде среќен што е негова, не само поради сексот туку и поради тоа каква е таа внатре и затоа што се чувствува исполнет со неа.

Пет причини зошто некои мажи губат интерес после секс:

Не го интересира ништо друго освен секс

Има и такви кои би направиле сè за да стигнат до жена која ќе им привлече око и ќе ја одведе во кревет. Но, по страсна ноќ, губат интерес бидејќи таа веќе не им е предизвик. Го добиле тоа што го сакаат и продолжуваат понатаму.

Ова не се случило затоа што одредена жена била лоша во кревет или нешто не е во ред со неа, туку затоа што запознала површен маж.

Мисли дека е заљубен, а потоа сфаќа дека не е

Таквите мажи можат искрено да мислат дека се заљубени и дека им се допаѓа жената, дека за тоа кратко време доста добро ја запознале итн.

Но, се случува после секс да се чувствуваат како да се со странец, да не ја знаат баш таа жена и да исчезнат „пеперутките во стомакот“. Тие всушност го мешаат чувството на страст и чистата љубов.

Едноставно нема сексуална привлечност

Понекогаш мажот и жената можат да бидат многу привлечни еден за друг, можат да разговараат за сè, да имаат слични интереси и слично. Меѓутоа, кога станува збор за сексот, тие сфаќаат дека меѓу нив нема никаква сексуална привлечност, односно дека нивниот секс е просечен.

Некои мажи тогаш ќе изгубат интерес (како и некои жени) и нема да сакаат да одржуваат таква врска.

Се плаши бидејќи врската станала премногу сериозна

Мажите понекогаш бегаат затоа што се плашат од темпото со кое се движи врската. Жените се заљубуваат во нив по првиот секс, станува премногу сериозно, а тие не се спремни да се обврзат некому, па најлесно им е да побегнат.

Можеме да ги наречеме кукавици, но подобро да си заминат бидејќи ако не се спремни за сериозна врска – и онака таа врска не би траела долго.

Не сите врски се наменети за долги патеки

Моментот кога мажот и жената стануваат сексуално интимни е моментот кога некои работи се расчистуваат. Некои врски траат и после тоа, но некои се осудени на пропаст.