Општина Кисела Вода е првата општина во Македонија која постави надворешни прочистувачи за воздух, информира градоначалникот Орце Ѓорѓиевски. Според него се работи за пет најсовремени уреди за надворешна употреба со максимален проток на воздух од 16,625 м³/ч, кои обезбедуваат оптимално прочистување на воздухот.

Ова се многу моќни и ефикасни уреди со тежина од 1000 кг и димензии 94 см x 94 см x 360 кои се долготрајни и мошне тивки, кои ќе бидат поставени во парковите и каде што има голема фрекфенција на луѓе и ќе го прочистуваат воздухот. Претходно, поставивме и најсовремени внатрешни прочистувачи на воздух во ООУ „Невена Георгиева-Дуња” во сите училници, што го направи ова училиште првото на Балканот кое има заштита од вируси од ваков тип – соопшти Ѓорѓиевски на Фејсбук.

Тој посочи дека станува збор за вредна донација од општествено одговорната компанија „Екотип“ со која Општина Кисела Вода склучи стратешко партнерство и започна заедничка кампања за имплементирање на најсовремени иновативни еколошки решенија.