Перименопаузата е периодот кој и претходи на менопаузата, а започнува неколку години пред менопаузата, најчесто во раните четириесетти, понекогаш и во триесеттите. За време на перименопаузата, нивото на женски полови хормони се намалува, а падот се забрзува во последните години од овој период.

Колку долго трае перименопаузата?
Просечното времетраење е околу четири години, но тоа е многу индивидуално – од неколку месеци до неколку години. Постменопаузата е период кој настанува 12 месеци по последната менструација.

Кои се знаците на перименопауза?

Најчестите симптоми на перименопауза се:

-топли бранови
-осетливост на градите
-влошување на симптомите на предменструалниот синдром
-намалена желба за сексуални односи (либидо)
-замор
-нередовна менструација
-сувост на вагината
-неволно истекување на урина при напор
-почеста потреба за мокрење
-промени во расположението
-несоница.

Ако менструациите станат многу обилни, придружени со згрутчувања, или ако има крварење помеѓу циклусите или периодот помеѓу два менструации се скрати, треба за тоа да го известите вашиот лекар.

Како се дијагностицира перименопаузата?

Перименопаузата се дијагностицира врз основа на симптомите и врз основа на нивото на одредени хормони.

Дали е потребна некаква терапија за време на перименопаузата?

За време на менопаузата, можат да се појават топли бранови (валунзи) и нередовна менструација, а тоа може да се третира со ниски дози на хормонални таблети, доколку нема контраиндикации. Сувоста на вагината може да се третира со локална примена на естроген, но и со ласерска терапија..

Во случај на промени во расположението и евентуални знаци на депресија, можна е антидепресивна терапија. Се препорачува и суплементација на калциум и витамин Д, пишува.