Министерството за одбрана на САД денес ги повика клучните производители на одбранбена опрема да го удвојат или четирикратно да го зголемат производството на дванаесет клучни видови оружје.

Како што претходно објави „Волстрит џурнал“, повикувајќи се на луѓе запознаени со ова прашање, Пентагон изрази загриженост дека во случај на потенцијални конфликти на САД со Кина, залихите на оружје се ниски, пренесува „Ројтерс“.

Во меѓувреме, француското Министерство за одбрана денес објави дека Франција ќе ја зајакне данската армија со тоа што ќе придонесе за развој на нејзините способности за борба против беспилотни летала.

Ова соопштение беше издадено откако минатата недела над Данска беа откриени неидентификувани дронови, што доведе до затворање на неколку аеродроми.
Француската влада објави дека ќе ѝ обезбеди помош на Данска со користење на хеликоптери „Фенек“, како и тим од 35 воени лица кои ќе се занимаваат со задачи поврзани со заштита од дронови.