Законот за игри на среќа не може повторно да влезе во Собрание со европско знаменце, по вчерашната одлука на претседателот Стево Пендаровски. Како што појасни Пендаровски, Законот оди во редовна процедура, а ако се изгласа со 61 глас ќе го потпише уште денеска.

– Пред еден месец Европската комисија испрати писмо до Владата во кое вели „Во собраниска процедура имате закон со кој практично се злоупотребува европското знаме“. Меѓутоа пратениците тераат до крај и го усвојуваат законот. Пред неколку дена се сретнав со евроамбасадорот Дејвид Гир, кој ми посочи дека ова е уште една злоупотреба на европското знаменце. Никој не спори дали законот е добар или лош, но не смее да биде злоупотребен, изјави претседателот Стево Пендаровски при денешната посета на Тетово.

Според Пендаровски, потребно е законот да се гласа во редовна постапка, со дискусија од едната и другата страна, за да можат граѓаните да проценат што е најдобро.

-Не навлегував во содржината, го вратив бидејќи беше злоупотребено европското знаменце, додаде тој.

Прашан како ја коментира реакцијата на ДУИ, дека оваа одлука е „приказна за мали деца“, Пендаровски вели дека писмен допис од Европската унија до која било земја која е кандидат не може да се дефинира како такво и според него тоа е сериозно укажување кое не смее да се повтори.

Пендаровски не го потпиша Законот за игри на среќа

Од Движењето Анти-коцкање велат дека се разочарани и се чувствуваат предадено од одлуката на Пендаровски.

Тотално сме разочарани, се чувствуваме предадени од вашата преземена одлука за недекретирање на предлог законот за игри на среќа, вашата заштитата на криминалот и криминалците во која се задушени од страста на криминалот и класичниот гражбеж што му се прави на граѓанинот. Со вашата постапка, наводна злоупотреба на европското знаме, го легализирате перењето на валкани пари и во име на европските стандарди го штитите сомнителниот капитал кои ја задушуваат нашата држава. „Претседателе, го предадовте вашиот гласач“, „Ние со леб, вие со камења“ – се вели во писмото до Пендаровски.

Протест на АСОМ и АПИС: Ако се изгласа Законот за игри на среќа илјадници луѓе ќе ги изгубат работните места

Од ДУИ вчера реагираа дека постапката на Пендаровски е „приказна за мали деца“.

Образложението дека европското знаменце било злоупотребено за усвојување на законот е приказна за мали деца. Замислете немале забелешки за содржината, туку за процедурата. Ние не се предаваме во оваа битка и убедени сме дека пратениците со чиста совест се на страната против казината и обложувалниците, се вели во реакцијата на ДУИ.

Пендаровски смета дека измените и дополнувањата на законот се донесени преку несоодветна употреба на забрзаната процедура за усогласување на нашето законодавство со правото на Европската Унија, популарно позната како „процедура со европско знаменце“, во ситуација на отсуство на суштинско „аки“ (задолжително право на ЕУ) во областите што ги опфаќа овој Закон и фактот дека Законот не наведува дури ни лимитирано „ЕУ аки“ што може да биде релевантно.

Собранието ги донесе измените на Законот за игрите на среќа, казината и обложувалниците треба да се оддалечат од училиштата